З 19 верасня на афіцыйным сайце Нацыянальнага гістарычнага музея Рэспублікі Беларусь пачала працу віртуальная выстаўка «ГОРАД С. ВЯРТАННЕ. СМАЛЕНСКІ ПЕЙЗАЖ 1950-60-х ГАДОЎ У ЖЫВАПІСЕ І ГРАФІЦЫ У.І. РУЖО», прымеркаваная да 1160-годдзя Смаленска.
Уладзімір Ружо нарадзіўся ў Смаленску 1 ліпеня 1922 года. Мастак У.І. Ружо ўнёс вялікі ўклад у выяўленчае мастацтва Смаленшчыны, стварыў велізарную колькасць жывапісных і графічных вобразаў роднага горада. У яго працах Смаленск 1950-60-х гадоў: гістарычныя будынкі і новыя будоўлі, жыццё пасляваеннага адраджэння горада і людзі, якія жывуць у ім. Творы Ружо нясуць у сабе непаўторную атмасферу часу і цікавыя не толькі з пункту гледжання іх бясспрэчных мастацкіх вартасцяў, але і ў гістарычным плане. Запрашаем вярнуцца ў Смаленск сярэдзіны мінулага стагоддзя і паглядзець на яго вачыма мастака Ружо.
Па сваёй сутнасці мастак Уладзімір Ружо – пейзажыст. Ён любіў свой горад, ён усхвалявана маляваў вобразы адроджанага з руін і попелу Смаленска, ствараў лірычныя пейзажы смаленскай прыроды. Ружо ў поўнай меры можна назваць летапісцам горада Смаленска. Гледзячы на Смаленск з любоўю, нястомна захапляючыся ім, ён адкрывае ўбачаную прыгажосць гледачу. «Смаленск дарагі для мяне як смаляніну. Удвая дарагі для мяне як мастаку. Дзе яшчэ знойдзеш такі цудоўны ўзгорысты ландшафт, які так і просіцца на палатно або паперу, гэта багацце ракурсаў, бясконцая разнастайнасць відаў, якія адкрываюцца з розных кропак горада? Гэта шчасце – жыць і працаваць тут... перакананы, што нам трэба шырэй прапагандаваць наш выдатны горад сродкамі выяўленчага мастацтва, паказваць людзям і самім смалянам і гасцям з іншых месцаў краіны - яго веліч і непаўторную прыгажосць» (В. і. Ружо, 1968 год)
Годнасць лепшых работ Ружо аб Смаленску заключаецца ў тым, што за вонкавым абліччам мы адчуваем самы дух горада-ваяра, горада-будаўніка, адчуваем непаўторнае суровае хараство яго гісторыі і будняў пасляваеннага часу.
На віртуальнай выстаўцы прадстаўлены лічбавыя выявы графічных і жывапісных твораў з фондаў Смаленскага дзяржаўнага музея-запаведніка.
Віртуальную выстаўку «ГОРАД С. ВЯРТАННЕ. СМАЛЕНСКІ ПЕЙЗАЖ 1950-60-Х ГАДОЎ У ЖЫВАПІСЕ І ГРАФІЦЫ У.І. РУЖО» можна паглядзець па спасылцы
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея