Працягваем знаёміць з музейнымі прадметамі, якія ўвойдуць у экспазіцыю “Беларусь: адраджэнне духоўнасці”.
Нацыянальны Полацкі гісторыка–культурны музей–запаведнік поруч з пячаткай прападобнай Еўфрасінні Полацкай прэзентуе на выставе фрагменты сценапісу Спаса–Праабражэнскай царквы, якія датуюцца 19 стагоддзем.
Па словах загадчыцы Карціннай галерэі Нацыянальнага Полацкага гісторыка–культурнага музея–запаведніка Ларысы Лысенка, расійскія і беларускія рэстаўратары здзейснілі сапраўдны цуд: “Такая тэхналогія адпластавання насценнага роспісу, з якой яны працуюць, не мае аналагаў у практыцы краін СНД, а ў сусветнай практыцы такі вопыт адзіны. Яе ўнікальнасць у тым, што яна дае магчымасць захаваць культурныя пласты адразу некалькіх стагоддзяў”.
У Спаса–Праабражэнскай царкве – тры пласты сценапісу. Першы датуецца 12 стагоддзем, фрэскі выкананы візантыйскімі майстрамі, якіх запрасіла Еўфрасіння Полацкая. Фрэскі амаль поўнасцю захаваліся. Пазнейшы сценапіс быў створаны алейнымі фарбамі ў 1839 і 1885 гадах – ён і будзе паказаны на выставе. Пра ўнікальную тэхналогію адпластавання фарбавых пластоў наведвальнікам распавядуць супрацоўнікі музея ў ходзе экскурсій.
“Херувім–пуці”. Фрагмент сценапісу Спаса–Праабражэнскай царквы Еўфрасіннеўскага манастыра ў Полацку. 1837 г. Са збору Нацыянальнага Полацкага гісторыка–культурнага музея–запаведніка.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея