З 1 па 5 верасня 2017 года ў Рэспубліцы Сербія і Румынія знаходзілася дэлегацыя Нацыянальнага гістарычнага музея Рэспублікі Беларусь.
1 верасня 2017 года ў межах візіту ў Рэспубліку Сербія прадстаўнікі Нацыянальнага гістарычнага музею Рэспублікі Беларусь заключылі Мемарандум аб супрацоўніцтве з Этнаграфічным музеем Бялграда і Краявым музеем Ваяводзіны ў г. Нові–Сад. Этнаграфічны музей Бялграда – адзін з найстарэйшых этнаграфічных музеяў на Балканскім паўвостраве, валодае адной з самых вялікіх бібліятэк на Балканах. Музей Ваяводзіны, які ў 2010 годзе атрымаў статус музея года, захоўвае найбагацейшую мастацкую калекцыю ў краіне. У Этнаграфічным музеі Бялграда экспанаваліся перасоўныя выставы “Беларусь і беларусы” і “Беларусь сучасная”, а ў Пасольстве Рэспублікі Беларусь у Рэспубліцы Сербія была падрыхтавана да экспанавання выстава 11 мастацкіх работ беларускіх аўтараў “Мой родны кут, як ты мне мілы”. На працягу візіту адбыліся сустрэчы членаў дэлегацыі з прадстаўнікамі Міністэрства культуры і інфармацыі Сербіі, Сакратарыяту па культуры Бялграда. Былі абмеркаваны пытанні стану і перспектыў развіцця двухбаковага супрацоўніцтва ў галіне культуры і мастацтва, падкрэслена неабходнасць далейшага развіцця ўзаемавыгадных кантактаў у музейнай галіне. У мерапрыемствах прынялі ўдзел ганаровы консул Беларусі ў Бялградзе, дэпутат парламента Сербіі Д. Карыч, кіраўнікі і прадстаўнікі музейных устаноў Сербіі, дзеячы культуры, прадстаўнікі СМІ.
У выніку перамоў Нацыянальны гістарычны музей Рэспублікі Беларусь выявіў зацікаўленасць у рэалізацыі шэрагу выставачных праектаў у Рэспубліцы Сербія, такіх як фотавыстава, прысвечаная візітам Прэзідэнта Рэспублікі Беларусь А.Г. Лукашэнкі ў Рэспубліку Сербія; фотавыстава, прымеркаваная да Дня Незалежнасці Рэспублікі Беларусь у паркавай зоне ля ракі Сава (г. Бялград); рэалізацыі выставачных праектаў у горадзе Нові–Сад, а таксама ў Этнаграфічным музеі Бялграда.
4 верасня 2017 года на румынскай тэрыторыі быў заключаны Мемарандум аб супрацоўніцтве паміж Нацыянальным гістарычным музеем Рэспублікі Беларусь і Нацыянальным гістарычным музеем Румыніі, а таксама Нацыянальным музеем Брукенталя, якія з’яўляюцца найбуйнейшымі румынскімі музеямі. У Нацыянальным гістарычным музеі Румыніі экспанаваліся перасоўныя выставы “Беларусь і беларусы” і “Беларусь сучасная”. На працягу візіту адбыліся сустрэчы членаў дэлегацыі з прадстаўнікамі Міністэрства культуры Румыніі.
Па выніках сустрэч былі дасягнуты папярэднія дамоўленасці ў рэалізацыі шэрагу выставачных праектаў у Румыніі. З Нацыянальным музеем гісторыі Румыніі абмеркавана магчымасць стварэння сумеснай выставы, прысвечанай гандлёвым шляхам Балтыйскага і Чорнага мора. З Нацыянальным музеем Брукенталя дасягнута дамоўленасць аб экспанаванні фондавых прадметаў Нацыянальнага гістарычнага музея Рэспублікі Беларусь, фатаграфій Ісака Сербава, у межах вялікага картаграфічнага праекта (сакавік – май 2018 г.).
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12
Тэл. для даведак (017) 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея