Гасцёўня Уладзіслава Галубка прадстаўляе персанальную выставу жывапісу беларускай мастачкі, члена моладзевай секцыі саюза мастакоў Беларусі, Сняжаны Віцецкай «Час шукаць».
Мастачка звяртаецца да этычных нормаў, якія чалавецтва выпрацавала ў сваім развіцці. Для таго, каб мараль і духоўнасць не сышлі ў нябыт, Сняжана сцвярджае значнасць такіх паняццяў як "каханне", "дабрыня", "вернасць", "сяброўства", "абавязак".
У сваім імкненні да ўяўнага незямнога шчасця, яе персанажы – пры знешняй разнастайнасці – ўнутрана падобныя паміж сабой. Іх асяроддзе напоўнена водарам мудрагелістых кветак, шчэбетам незвычайных птушак, веліччам архітэктурных куліс, ледзь чутным рэхам стагоддзяў на гадзінах.
Запаволенае дзеянне перацякае з аднаго твора ў іншае; застываючы на нейкае імгненне, становіцца даступным для гледача. Па–за часам успрымаюцца фігуры прыгажунь. Канцэнтруючы ўвагу пераважна на жаночых вобразах, Сняжана Віцецкая стварае партрэты прывабных у сваёй непазбыўнай красе прадстаўніц слабага полу – безабаронных, вытанчаных, летуценных. Мастачка апранае іх у старадаўнія сукенкі, падкрэсліваючы загадкавасць стылізацыяй то адзення шляхцянак з сармацкіх партрэтаў, то этнічных касцюмаў. Яна стварае містычнае і зменлівае ў сваёй таямнічасці духоўнае аблічча жанчыны, якая глядзіць на свет шырока адкрытымі вачыма, выпраменьваючы адвечную прыгажосць сусвету. Аўтар заклікае сучаснікаў знайсці ў сабе узнёслае, некранутае шэрасцю будзённай рэчаіснасці святло, якое можа гарэць ярка, а можа ледзь тлець, але заўсёды дапамагае не згубіць надзею.
Гасцёўня Уладзіслава Галубка
Адрас: г.Мінск, вул. Старавіленская, 14
Без выхадных: з 10.00 да 17.30
Тэл. для даведак: (017) 286–74–03
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея