У філіяле Нацыянальнага гістарычнага музея Рэспублікі Беларусь “Дом–музей I з'езда РСДРП” з 2 па 18 сакавіка 2018 года будзе праходзіць юбілейная выстава “Сведка часу”, прысвечаная 95–годдзю Дома–музея і 120–годдзю I з'езда РСДРП.
У 2018 годзе спаўняецца 95 гадоў з дня адкрыцця Дома–музея I з'езда РСДРП, а таксама 120 гадоў з моманту правядзення I з'езда РСДРП. На працягу амаль стагоддзя Дом–музей адзін з самых знакавых турыстычных аб'ектаў г.Мінска, сведка многіх гістарычных падзей жыцця горада і краіны.
За гады існавання музея яго наведалі шматлікія дэлегацыі і палітычныя дзеячы розных краін свету, сярод якіх кубінскі лідэр Фідэль Кастра, Генеральны сакратар Цэнтральнага камітэта Кампартыі Югаславіі Іосіп Броз Ціта, кіраўнік ГДР Вальтэр Ульбрыхт і многія іншыя. Гэтаму музею прысвячалі свае вершы беларускія паэты Пятрусь Броўка, Мікалай Аўрамчык, Эдзі Агняцвет, туркменскі паэт Рухі Аліеў, балгарскі Найдзен Вылчаў і многія іншыя.
Адкрыты ў 1923 годзе, музей сёння з'яўляецца адным з найстарэйшых у Рэспубліцы Беларусь. Падрыхтаваная сумесна з Нацыянальным гістарычным архівам Беларусі, Беларускім дзяржаўным архівам навукова–тэхнічнай дакументацыі юбілейная выстава знаёміць з матэрыяламі, якія адносяцца да гісторыі дома па вул. Захар'еўскай, а таксама да створаннага ў ім музея.
Наведвальнікі змогуць пазнаёміцца з рэдкімі фатаграфіямі, якія захавалі гістарычныя моманты з жыцця Дома–музея, а таксама з кнігамі, перыядычнымі выданнямі і іншымі матэрыяламі, якія маюць дачыненне да яго гісторыі.
Чакаем Вас на юбілейнай выставе “Сведка часу”!
Дом–музей I з'езда РСДРП
Адрас: г.Мінск, п–т Незалежнасці, 31А
Штодня з 11.00 да 19.00, без выходных
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея