З 3 жніўня ў Нацыянальным гістарычным музеі Рэспублікі Беларусь будзе дэманстравацца выстава твораў «Цветоотражение» беларускай мастачкі Аксаны Шаляпінай. Мастачка вядомая тым, што піша свае карціны нестандартным спосабам – не пэндзлем, а пальцамі!
У экспазіцыі будзе прадстаўлена больш за 20 жывапісных работ, створаных на працягу апошніх 7 гадоў. Абстрактна–рэалістычныя творы выкананы ў стылі экспрэсіянізму.
Аксана Шаляпіна нарадзілася ў Мінску ў 1977 годзе. Скончыла мастацкую школу, архітэктурны факультэт Беларускай дзяржаўнай політэхнічнай акадэміі (цяпер БНТУ). Займаецца дызайнам інтэр'еру. Апошнія 10 гадоў асноўным напрамкам яе дзейнасці з'яўляецца жывапіс.
«Я прафесійна займаюся дызайнам інтэр'еру, і спачатку стварала карціны менавіта для сваіх інтэр'ераў, – распавядае Аксана. – А атрымалася, што гэта стала асобным напрамкам маёй творчасці».
Карціны Аксаны Шаляпінай вельмі запамінальныя і эмацыйныя, яркія і насычаныя.
На думку мастачкі, колер напаўняе нашае жыццё, змяняе не толькі настрой, але і дапамагае спазнаць сябе. Ён стымулюе пачуцці, расслабляе цела, абуджае ўспаміны, прымушае ўлюбляцца. «Колеры жыцця – яны ж розныя. І кожны выбірае свой".
Работы мастачкі знаходзяцца ў прыватных калекцыях у Амерыцы, Германіі, Казахстане, Расіі, Грузіі, Фінляндыі, Італіі. Аксана з'яўляецца членам саюза мастакоў «Майстар–Міратворац».
Выстава твораў Аксаны Шаляпінай будзе працаваць да 20 жніўня.
Нацыянальны гістарычны музей Рэспублікі Беларусь
Мінск, вул. Карла Маркса, 12
Тэл.: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея