У філіяле Нацыянальнага гістарычнага музея Рэспублікі Беларусь "Дом–музей I з'езда РСДРП" з 7 снежня 2018 года па 13 студзеня 2019 года праходзіць выстава ёлачных цацак савецкага перыяду "У гасцях у казкі".
Унікальная выстава калекцыі ёлачных цацак ХХ стагоддзя дапаможа вам акунуцца ў атмасферу радасці і прадчування цуду.
Больш за 800 ёлачных цацак з мінулага стагоддзя распавядуць гасцям музея свае ўнікальныя гісторыі. Наведаўшы гэтую выставу, вы зможаце на свае вочы пабачыць самыя першыя цацкі з картонажу і ваты, мантажныя цацкі, а таксама цацкі ваеннага часу (так, нават у суровыя часы людзі чакалі цуду і імкнуліся зрабіць свой свет хоць крышачку больш цудоўным).
На выставе будзе прадстаўлена прыватная калекцыя ёлачных цацак ад віцебскага калекцыянера Наталлі Кавалёвай. Цэнтральнае месца ў экспазіцыі зойме, вядома ж, прыгажуня–ёлка, якая парадуе бляскам сваіх агнёў, старадаўніх караляў і ёлачных цацак, а таксама цэлы парад Дзядоў Марозаў, якія прыбылі з розных гарадоў.
Свет ёлачных цацак мінулага ахоплівае разнастайныя тэмы і сярод герояў, якія ўпрыгожвалі лясную прыгажуню, прыйшоўшы да нас на выставу, вы сустрэнеце даследчыкаў Поўначы, артыстаў цырка, лятальныя і касмічныя апараты мінулага стагоддзя. І, натуральна, асаблівую частку выставы складуць любімыя малымі фігуркі жывёлаў, персанажы мультфільмаў, казак і шмат іншага.
У гэтыя перадсвяточныя снежаньскія дні не прапусціце ўнікальную магчымасць акунуцца ў атмасферу цуду і маляўнічай разнастайнасці, якая не толькі пазнаёміць вас з тым, як упрыгожвалі ялінку паўстагоддзя таму, але і падорыць непаўторныя адчуванні радасці і захаплення.
Дом–музей I з'езда РСДРП
Адрас: г.Мінск, п–т Незалежнасці, 31А
Штодня з 11.00 да 19.00
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея