5 красавіка а 18–й гадзіне ў філіяле Нацыянальнага гістарычнага музея Рэспублікі Беларусь “Музей гісторыі тэатральнай і музычнай культуры” да 200–годдзя з дня нараджэння Станіслава Манюшкі адбудзецца канцэрт–прэзентацыя «Увысь да нябёсаў», на якой будуць упершыню прадстаўлены юбілейныя музычныя выданні твораў Станіслава Манюшкі, падрыхтаваныя Творчым калектывам «Беларуская капэла» Нацыянальнага акадэмічнага Вялікага тэатра оперы і балета Рэспублікі Беларусь у супрацоўніцтве з выдавецтвам «Каўчэг». Прэзентацыя пройдзе разам з мультымедыйнай дэманстрацыяй рэдкіх малюнкаў Чэслава Манюшкі і фотаздымкаў кампазітара. Слухачы пачуюць шмат цікавых фактаў аб малавядомай постаці Манюшкі–арганіста і творцы рэлігійнай музыкі. Падчас мерапрыемства ў выкананні салісткі Беларускай дзяржаўнай філармоніі Тамары Рэмез і музыказнаўцы Святлены Немагай прагучаць рэлігійныя творы кампазітара, а таксама яго песні на словы Адама Міцкевіча, Яна Чачота і Уладзіслава Сыракомлі.
***
Выбітны кампазітар, аўтар першай беларускамоўнай оперы «Ідылія» («Сялянка», 1852), аперэт і балетаў, стваральнік польскай нацыянальнай оперы, класік вакальнай лірыкі нарадзіўся 5 мая 1819 г. у сядзібе Убель на Міншчыне, правёў свае маладыя гады ў Мінску. Тут адбываліся яго першыя тэатральна–музычныя пастаноўкі, у салонах мінскай інтэлігенцыі ХІХ ст. гучала яго музыка, натхнёная беларускім фальклорам. Пазней Станіслаў Манюшка працаваў у Вільні арганістам касцёла Святога Яна. Потым пераехаў у Варшаву, дзе стаў класікам польскай оперы, стварыўшы 15 опер, у тым ліку славутую «Гальку» («Halka», 1848). Важнасць асобы кампазітара цяжка пераацаніць для культуры трох краін – Беларусі, Польшчы і Літвы.
Уваход па квітках музея з магчымасцю наведаць экспазіцыю.
Адрас: г. Мінск, зав. Музычны, 5
Без выхадных з 10:00 да 17:30
Тэл. 220-26-67
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея