Гасцёўня Уладзіслава Галубка прадстаўляе выставу “ROBO ART”
На выставе “ROBO ART" прадстаўлены футурыстычныя мадэлі робатаў, зброі, аўтамабіляў і касмічнай тэхнікі. Экспазіцыя налічвае больш за 70 прадметаў рознага памеру, сярод якіх ёсць статычныя і рухомыя мадэлі.
Цэнтральнае месца ў экспазіцыі займае ўнікальная калекцыя "гіганцкіх" робатаў памерам з чалавечы рост, некаторыя з іх механізаваныя – адны рухаюцца, іншыя гавораць. Робат "Артур" падымае руку і размаўляе, у робата "Праметэй” на дысплеі адлюстроўваецца навакольны свет, гігант “Рудакоп” круціць клешнепадобнай рукой, свеціць вачыма і міргае пробліскавым маячком аранжавага колеру, робат “Ан–тон" круціць галавой і свеціць ярка зялёным святлом.
Асаблівую цікавасць у наведвальнікаў выставы выклікае рука вядомага робата з кінафільма "Тэрмінатар", а таксама магутная клюшня "Мегарука", якая ў тры разы перавышае памерам чалавечую кісць. На подыумах у імклівым палёце размяшчаюцца мадэлі касмічных караблёў для міжгалактычных палётаў.
Не пакідаюць абыякавым і цэлыя сюжэты з жыцця робатаў – "Афіцыянт", які разносіць напоі, "Дама", якая гуляе з сабачкам. Робаты тут жывуць сваім уласным таямнічым жыццём. Уключыўшы фантазію, можна ўявіць, што нават механізмам даступныя перажыванні і простыя чалавечыя слабасці. Вось "скульптурная група" пад назвай "Бессань" — кватэра са сціплай абстаноўкай (таршэр, гаршчок пад ложкам, стол, крэсла) і "пажылы робат", які ўсё ніяк не можа заснуць.
Уражвае калекцыя фантастычнай зброі. Ствараецца пачуццце, што яна зараджана і гатова да бою. Бластер і выпраменьвальнік суседнічаюць тут з рарытэтам Першай сусветнай вайны — кулямётам "Максім". Дзівіць памерамі проціватанкавая прылада, колы якой сабраны з сапраўдных аўтамабільных дыскаў.
Усе працы выкананы з металу і пластыка.
Выстава "ROBO ART" разлічана на катэгорыю 4 + і аднолькава зацікавіць і дзяцей, і дарослых.
У рамках экспазіцыі дзеці змогуць не толькі пазнаёміцца з навакольным светам, знайсці адказы на шматлікія пытанні, а таксама далучыцца да тэхнічнай творчасці. Выстава спрыяе развіццю мыслення, ўяўлення, лагічных і творчых здольнасцяў дзіцяці. Прадстаўленая экспазіцыя адклікнецца ў наведвальнікаў велізарнай колькасцю усмешак, пазітыўным настроем і радаснымі эмоцыямі!
Будучыня, у якой людзі і робаты жывуць побач, апісаная фантастамі, ужо наступіла, і ў гэтым можна пераканацца, наведаўшы выставу ў Гасцінай Уладзіслава Галубка.
Гасцёўня Уладзіслава Галубка
Адрас: г. Мінск, вул. Старавіленская, 14
Без выхадных: з 10.00 да 17.30
Тэл. для даведак: (017) 243 –74–03
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея