"ВЯРЦІНСКІ. САМОТНЫ ВАНДРОЎНІК"

«ВЯРЦІНСКІ. САМОТНЫ ВАНДРОЎНІК» эксклюзіўны прэм'ерны паказ у Мінску дакументальнага фільма Святланы Астрацовой да 130–годдзя з дня нараджэння легендарнага артыста, паэта і кампазітара.

1, 8, 15, 22 кастрычніка (аўторак) в 15–00 и 18–00

3, 10, 17, 24 кастрычніка (чацверг) в 15–00 и 18–00

5, 12, 19, 26 кастрычніка (субота) в 16–00

6, 13, 20, 27 кастрычніка (нядзеля) в 16–00

29, 30, 31 кастрычніка (аўторак, серада, чацверг) в 15–00, 16–30, 18–00, 19–15

Кумір мільёнаў, родапачынальнік аўтарскай песні Аляксандр Вярцінскі ўжо пры жыцці набыў сусветную славу, каханне, прызнанне. Яму апладзіравалі захопленыя сучаснікі, яго шануюць удзячныя нашчадкі. Шаляпін называў Вярцінскага «вялікім апавядальнікам зямлі рускай».

«Вярцінскі. Самотны вандроўнік» – гэта дакументальны фільм–роздум пра лёс і асобу Аляксандра Вярцінскага і эпосе Сярэбранага стагоддзя, увасабленнем якой ён з'яўляўся.

У жыцці Вярцінскага дзіўным чынам злучыліся некалькі зусім розных біяграфій... "Спявак дэкадансу", "Валацуга і артыст", "Чалавек у фраку ў Краіне Саветаў" – так называюцца тры часткі фільма, якія апавядаюць пра розныя перыяды яго біяграфіі. Кожную з частак прадстаўляе апавядальнік: першую – паэт, эсэіст, радыёвядучы Дзмітрый Вадзеннікаў, другую – культавы музыкант, народны артыст Расіі Андрэй Макарэвіч, трэцюю – пісьменнік і гісторык Эдвард Радзінскі. Аснову сюжэта фільма складае аповед пра неардынарны лёс артыста, у аснову сцэнара ляглі ўспаміны і малавядомыя лісты самога Вярцінскага.

У карціне нямала новых фактаў з жыцця артыста, дадзены цікавыя і неардынарныя трактоўкі падзей яго біяграфіі. Унікальныя хранікальныя кадры, фатаграфіі з музея Вялікай Айчыннай вайны, Літаратурнага музея, асабістых архіваў, а таксама архіваў Парыжа і Шанхая прадстаўлены публіцы ўпершыню. Рэдкая хроніка перамяжоўваецца з паэтычнымі натурнымі здымкамі месцаў, звязаных з імем Вярцінскага ў Расіі, Францыі і Украіне.

Сцэнарыстам і рэжысёрам фільма стала Святлана Астрацова – аўтар стужак «Купец на ўсе часы. Віртуальны музей Сяргея Дзягілева» – пра знакамітага імпрэсарыа пачатку ХХ стагоддзя і «Клас» – пра гісторыю рускага балета.

Кінакампанія «Вішнёвы сад» (Расія), 2019, 52 мін.

Тэкст чытае Андрэй Анкудзінаў.

Паказ ажыццяўляецца ў кіназале Музея гісторыі беларускага кіно (вул. Свярдлова, 4) ў рамках праекта "Восень з Вярцінскім».

Кошт квітка – 5 руб. Адкрыты папярэдні продаж.

Даведкі па тэл. 327–10–75; 029 627–10–75