26 красавіка 2021 года ў Нацыянальным гістарычным музеі Рэспублікі Беларусь пачынае работу выставачны праект «Пакінутая зямля», прымеркаваны да 35-годдзя аварыі на ЧАЭС. Праект падрыхтаваны сумесна з Беларускім тэлеграфным агенцтвам, Музеем старажытнабеларускай культуры Цэнтра даследаванняў беларускай культуры, мовы і літаратуры НАН Беларусі, Музеем пажарнай і аварыйна-выратавальнай справы МНС Рэспублікі Беларусь, Нацыянальным архівам Рэспублікі Беларусь, Палескім дзяржаўным радыяцыйна-экалагічным запаведнікам.
У 01:23:47 26 красавіка 1986 года на 4-м энергаблоку Чарнобыльскай АЭС у 12 кіламетрах ад паўднёвай мяжы Беларусі адбыўся выбух, які цалкам разбурыў рэактар і стаў найбуйнейшай у гісторыі ядзернай энергетыкі аварыяй.
Пра аварыю, яе наступствы для Беларусі, іх ліквідацыю і дзейнасць па аднаўленні тэрыторыі, пра лёсы людзей, чыё жыццё аказалася звязаным з чарнобыльскай тэмай, на выставе «Пакінутая зямля» раскажуць шматлікія фатаграфіі і архіўныя матэрыялы.
Знаходкі этнаграфічных экспедыцый Інстытута мастацтвазнаўства, этнаграфіі і фальклору Акадэміі навук 1990-х гадоў у рэгіёны, пацярпелыя ад аварыі, прадэманструюць побыт і культуру цяпер не існых вёсак.
На выставе можна пабачыць фатаграфіі флоры і фауны Палескага дзяржаўнага радыяцыйна-экалагічнага запаведніка, які з’яўляецца месцам пражывання рэдкіх і знікаючых відаў.
Таксама на выставе «Пакінутая зямля» будуць прадстаўлены работы мастакоў Георгія Паплаўскага, Віктара Шматава і Сяргея Давідовіча-Зосіна.
Выстава «Пакінутая зямля» працуе з 26 красавіка па 23 мая 2021 года.
Нацыянальны гістарычны музей Рэспублікі Беларусь
г. Мінск, вул. К. Маркса, 12
Штодня з 11.00 да 19.00
Тэл. (017) 374-83-22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея