Мастацкія кампазіцыі з гадзіннікамі захопліваюць уяўленне. Дзякуючы ім можна вывучаць мастацкія стылі і антычную міфалогію, прасочваць гістарычныя перамены, сузіраючы майстэрскі дызайн, які адлюстраўвае дасягненні навукова–тэхнічнай і прамысловай рэвалюцыі XVIII – XIX стст.
Камінныя гадзіннікі, карэтныя і кішэнныя, з ківачом, кансольныя і інш. – усе яны выкананы з мастацкай вытанчанасцю, што ставіць іх у адзін шэраг са скульптурай. Вылучаюцца гадзіннікі ў тэхніцы буль, да стварэння якой меў дачыненне прыдворны мэбельшчык Людовіка XIV – Андрэ Шарль Буль (1642 – 1732). Ён ўдасканаліў тэхніку і лічыцца першым майстрам, які ўключыў бронзавую скульптуру ў афармленне гадзіннікаў з ківачом. Стыль пры кіраванні Людовіка XIV складае агульны мастацкі напрамак – барока, які размаўляе з гледачом мовай алегорый і сімвалаў.
Пры кіраванні Людовіка XV (1715 – 1774) гадзіннікі з ківачом канчаткова робяцца часткай інтэр’еру. Кансоль, на якой яны мацаваліся, з часам становіцца часткай корпуса, і з'яўляюцца гадзіннікі, названыя "картэль" (фр.м. "таблічка", "картка"). Картэлі сталі часта праектавацца архітэктарамі, як неад'емная частка інтэр'еру.
Дзівяць сваім дэкорам камінныя гадзіннікі XVIII – XIX стст. У Францыі яны атрымліваюць пышныя строі, якія ўвасобілі дасягнення мастакоў, скульптараў, і становяцца візітнай карткай краіны. У шэрагу французскіх камінных гадзіннікаў самыя выдомыя – гадзіннікі з міфалагічнымі і гістарычнымі постацямі. Выдзяляюцца гадзіннікі з алегарычнымі выявамі Афрыкі і Амерыкі, серыя Добрыя дзікуны.
У час кіравання Лізаветы Пятроўны (1742 – 1762) французская мастацкая бронза, у тым ліку і гадзіннікі, прывозіліся ў Расію для ўпрыгожвання царскіх палацаў.
У 1760 – 1770–ых, у перыяд неакласіцызму з'яўляюцца гадзіннікі са мноствам фігурак – геніяў, акружаных атрыбутамі, якія ўвасабляюць мастацтва і навуку.
Арыгінальныя канструкцыі гадзіннікаў з'явіліся падчас кіравання Дырэкторыі ў Францыі (1794 – 1799). З'яўляюцца гадзіннікі з "аголенымі" механізмамі – гадзіннікі механістычнага дызайну.
У эпоху Ампіру з'яўляецца цэлая лінія гадзіннікаў з урачыстымі, манументальна–гераічнымі кампазіцыямі, насычаная ваеннымі трафеямі, выявамі герояў і адпаведнай атрыбутыкай. Ампір, народжаны ў Францыі, незвычайна яскрава выявіў сябе ў Расіі пач. XIX ст., і стаў галоўным стылем.
У другой чвэрці XIX ст., са з'яўленнем невялікіх пакояў, з камінамі, якія сталі тапіцца не дровамі, а вуглём, камінныя гадзіннікі таксама паменшыліся ў памерах. Гэта дазволіла "не па правілах" ставіць іх на камоды, шафы, сталы.
Далейшае развіццё атрымліваюць гадзіннікі з гістарычнымі сцэнамі, якія адлюстроўваюць рэчаіснасць.
На выставе прадстаўлены розныя мадэлі гадзіннікаў: ад ранніх мадэляў з ківачом пач. XVIII ст., да індустрыяльных гадзіннікаў XX ст.
Наш адрас: г. Мінск (Верхні горад),
Музычны завулак, 5
Тэлефон для даведак 220–26–67
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея