У мінчан і гасцей горада з’явіцца ўнікальная магчымасць убачыць сваімі вачыма арыгінальныя выданні карт XVI – XXI ст., сярод якіх карта Вялікага княства Літоўскага 1595 г., складзеная вядомым еўрапейскім картографам Герардам Меркатарам, "Радзівілаўская карта" 1613 г., карта Польшчы XVII – XVIII ст. Усяго на выстаўцы прадстаўлена 27 карт з прыватных калекцый.
Карты і атласы з поўнай падставай можна разглядаць не толькі як вынік навуковых даследванняў, але і як помнік сусветнай гісторыі і культуры. Карта сама часта становіцца элементам мастацтва. Старадрукаваныя заходнееўрапейскія атласы XVI – XIX ст. багата дэкарыраваны рамкамі, картушамі ў адпаведнасці з пануючымі мастацкімі стылямі, што радніла іх з творамі мастацтва, а іх стваральнікаў – з мастакамі.
Тэрыторыя Беларусі ў XVI – XVIII ст. уваходзіла ў склад Вялікага княства Літоўскага і Рэчы Паспалітай, а з канца XVIII ст. у склад Расійскай імперыі, пагэтаму гісторыя картаграфавання беларускіх зямель непарыўна звязана з гісторыяй развіцця заходнееўрапейскай і рускай картаграфіі. Картаграфічныя творы – гэта ўнікальныя дакументы, помнікі канкрэтнай гістарычнай эпохі, якія дазваляюць прасачыць асаблівасці адміністратыўна–тэрытарыяльнага развіцця беларускіх зямель у розныя эпохі, пазнаёміцца з развіццём заходнееўрапейскай і беларускай кртаграфіі.
Выстаўка "Беларускія землі на геаграфічных картах XVI – пач. XXI стагоддзя" будзе цікава не толькі вузкім спецыялістам, але і усім, хто захапляецца гісторыяй роднага краю!
Выстаўка будзе працаваць с 17.05.2016 г. па 16.06.2016 г.
Наш адрас: г. Мінск (Верхні горад),
Музычны завулак, 5
Тэлефон для даведак 220–26–67
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея