З 6 верасня ў Нацыянальным гістарычным музеі Рэспублікі Беларусь пачынае працу выстава "Агароднінны кірмаш" беларуска–канадска–ізраільскага фотамастака Аліка Замосціна. Нядаўна яна дэманстравалася ў Віцебску, дзе была ўключана ў афіцыйную праграму міжнароднага фестывалю мастацтваў "Славянскі базар".
Гародніна, фрукты¸ збан, завялы букет, планетарны лімон, надрыўны крык разрэзанага перцу, ідылія маркоўнага багацця, адзінокая бульбіна, "інтэрнат" агуркоў у банку, трапятанне кніжных старонак – вось героі фотанавел Аліка Замосціна. Людзі могуць прымеркаваць сюжэты гэтых фатаграфій да сябе. Могуць пастарацца расшыфраваць таемныя знакі гэтых вытанчаных, смешных, сумных здымкаў.
"Вы не здымаеце фатаграфію, вы ствараеце яе" – у прароцкай фразе выдатнага майстра фотамастацтва Ансела Адамса чуецца запавет. Знакаміты здымак Адамса "Ружа і бервяно" пацвярджае гэтую думку. "Кірмашовы" цыкл Замосціна – той жа прыроды. З той жа крыніцы.
Персанальная выстава работ фотамастака Аліка Замосціна нібы вырастае з сусветнай класікі фатаграфіі і развівае лінію арыгінальнага творчага пошуку. Гісторыя назіранняў і ўсмешак, гумарэсак і шчырых дыялогаў, якая атрымала назву "Агароднінны кірмаш", падобная на гульню і карнавал. Яна звернутая да эмоцый, пачуццю гумару і заўсёднай звычцы людзей бачыць скрозь і ўсюды сябе, свае прататыпы.
Нацыянальны гістарычны музей Рэспублікі Беларусь
Адрас: г.Мінск, вул.К.Маркса, 12
Тэл .: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея