З 7 лютага па 12 красавіка ў філіяле Нацыянальнага гістарычнага музея Рэспублікі Беларусь "Дом-музей I з'езда РСДРП" працуе выстава "Вікінгі і Балты: Паўночная Сага".
Вікінгі – раннясярэднявечныя скандынаўскія мараходы, якія ў VIII – XI стагоддзях рабілі марскія паходы ад Вінланда да Біярміі і ад Каспія да Паўночнай Афрыкі. У асноўнай масе гэта былі свабодныя сяляне, што жылі на тэрыторыі сучасных Швецыі, Даніі і Нарвегіі і якіх штурхала за межы родных краін перанасяленне. Па рэлігіі - у пераважнай большасці язычнікі.
Шведскія вікінгі і вікінгі з узбярэжжа Балтыкі, як правіла, падарожнічалі на ўсход і фігуравалі ў старажытнарускіх і візантыйскіх крыніцах пад імем варагаў. Часта яны наймаліся на ваенную службу да шматлікіх князёў, за ваенны прафесіяналізм вельмі цаніліся, многія з іх узначальвалі дружыны, станавіліся князямі. Варагам быў і першы князь Полацкай зямлі Рагвалод, заснавальнік першай дзяржавы на тэрыторыі Беларусі, бацька Рагнеды.
На выставе будуць прадстаўлены прадметы, якія характарызуюць так званую Эпоху вікінгаў (ранняе Сярэднявечча, VIII – XI стагоддзі), воінаў поўначы іх гісторыю і традыцыю, культуру нарманаў, а таксама балцкага насельніцтва ўзбярэжжа Балтыйскага мора (ліваў, куршаў, латгалаў).
Акрамя розных упрыгожванняў (шыйныя грыўны, фібулы, бранзалеты і г.д.), рэканструкцыі зброі (мячы, дзіды, шлемы, шчыты, нажы, баявыя сякеры і т.п.), адзення і побыту вікінгаў, касцюмаў балтыйскіх плямёнаў, будуць экспанавацца археалагічныя артэфакты з фондаў Нацыянальнага гістарычнага музея Рэспублікі Беларусь. Сярод іншага – рунічныя надпісы на костках, наканечнікі стрэл, фібулы, касцяныя грабяні і г.д.
Паралельна будзе праходзіць выстава работ фатографа Вольгі Тарасевіч "Позірк праз стагоддзі".
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея