12 студзеня а 18–й гадзіне ў Нацыянальным гістарычным музеі Рэспублікі Беларусь адбудзецца адкрыццё выставы лінарыту Яўгенні Цыбульскай “Ex Libris. Кніжны знак”. Выставачны праект мінскай мастачкі пачынае серыю мерапрыемстваў музея, прысвечаных 500–годдзю беларускага кнігадруку.
Экслібрыс (лат. ex libris – “з кніг”) – кніжны знак, які ўклейваюць уласнікі бібліятэк у кнігі. Звычайна на экслібрысе прысутнічаюць імя і прозвішча ўладальніка, а таксама малюнак, які лаканічна адлюстроўвае прафесію, інтарэсы ці склад бібліятэкі, часам ён носіць гумарыстычны характар.
Радзімай экслібрыса прынята лічыць Германію, дзе ён узнік адразу пасля вынаходніцтва кнігадруку. Нараджэнне беларускага экслібрыса звязваюць з дзейнасцю Францыска Скарыны. Першы вядомы беларускі кніжны знак датуецца 1533 годам, гэта абразная гравюра з выявай герба князёў Гальшанскіх. Калі ў Сярэднявеччы экслібрыс быў прывілеем шляхты, то ў наш час ён стаў прывілеем інтэлігенцыі.
На выставе “Ex Libris. Кніжны знак” прадстаўлена каля 40 прац, створаных на працягу 2016 года. Гэта экслібрысы сучаснікаў мастачкі – музыкантаў, мастакоў, тэатральных дзеячаў, літаратараў…
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея