У філіяле Нацыянальнага гістарычнага музея Рэспублікі Беларусь "Дом–музей I з'езда РСДРП" з 10 жніўня 2017 года будзе працаваць выстава "Атлантыда".
Выстава ўяўляе сабой аўтарскі праект Японскага Цэнтра культуры і спорту «Дзэнрын канкэй» (Добрасуседства), у рамках якога можна ўбачыць інтэрпрэтацыю адной з «Атлантыды» – падводны горад Йонагуні, адкрыты ў Японскім моры. Яго ўзрост – не менш за дзесяць тысяч гадоў! У наведвальнікаў з'явіцца магчымасць апынуцца на дне акіяна, сярод казачных і рэальных насельнікаў «царства ценяў», казачных монстраў, ракавінак і рытуальных масак.
На выставе прадстаўлены экспанаты з розных краін Азіі: Інданэзіі (в. Балі), Японіі, Папуа–Новая Гвінея, Гватэмалы, Шры–Ланкі. Сярод іншага, сланы з ружовага і жалезнага дрэва, «мабільнік» папуасаў, японскія карпы «коі», «фугу», падводны дракон, японскі Вадзянік, фігуры міфалагічных персанажаў ўсходняга эпасу і спецыяльна падрыхтаваныя дэкарацыі, якія ствараюць эфект марскога дна.
Усе экспанаты апрацаваны адмысловымі сумесямі фарбаў, што надае ім фантастычнае мігаценне. Незвычайным з'яўляецца і асвятленне выставы. Спецыяльныя лямпы, устаноўленыя для падсвятлення шматлікіх экспанатаў, працуюць у гаючым, ўльтрафіялетавым дыяпазоне.
Экспанаванне суправаджаецца гукамі акіяна і мелодыямі народаў свету.
Вас чакае займальнае падарожжа ў таямнічы і загадкавы свет японскай Атлантыды!
Выстава разлічана на самую шырокую музейную аўдыторыю.
Дом–музей I з'езда РСДРП
Адрас: г.Мінск, п–т Незалежнасці, 31а
Штодня з 11.00 да 19.00, без выходных
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея