Зменшыць трагічныя наступствы стыхійных бедстваў, тэхнагенных аварый, прыродных катастроф можна своечасовым папярэджаннем аб бядзе.

Для гэтага ў сістэме грамадзянскай абароны прынят папераджальны сігнал абвесткі "УВАГА УСІМ!". Сігнал рэалізуецца з дапамогай запуску электрасірэн і папярэджвае насельніцтва аб небяспецы масавага паражэння людзей, жывёл і раслін шкоднымі хімічнымі рэчывамі, уздзеяння на арганізм радыектыўных рэчываў, а таксама радыяцыйнага забруджвання мясцовасці. Што ж трэба рабіць, калі вы пачулі такі сігнал?

Пачуўшы працяглае «выццё» сірэн, вы павінны ўключыць радыёпрыёмнік або тэлевізар, падключыцца да сеткі Інтэрнэт для наведвання інфармацыйных парталаў (напрыклад, сайта МНС) і праслухаць або прачытаць інфармацыю аб існуючым становішчы і парадку далейшых дзеянняў. Далей неабходна выконваць усе рэкамендацыі, якія прагучалі ў эфіры або апублікаваны на інтэрнет-партале МНС. Не лішнім будзе перадаць інфармацыю суседзям, бо яны маглі яе не чуць. У выпадку неабходнасці аказаць дапамогу хворым, дзецям і састарэлым людзям. Пры гэтым галоўнае - не панікаваць.

Калі папераджальны сігнал застаў вас на вуліцы, неабходна знайсці бліжэйшую целе (радыё) кропку для атрымання больш падрабязных інструкцый, у т.л. звярнуць увагу на інтэрактыўныя рэкламныя экраны, якія могуць быць размешчаны ў месцах з масавым знаходжаннем людзей, а таксама пры наяўнасці магчымасці падключыцца да сеткі Інтэрнэт.

Ад непрадбачаных сітуацый, нажаль, не застрахаваны ніхто. Менавіта таму ў выпадку ўзнікнення надзвычайнай сітуацыі неабходна дакладна ведаць, што рабіць. Дапамагчы пры такіх абставінах могуць веды правіл бяспекі, атрыманыя падчас тэарэтычных заняткаў і трэніровак па адпрацоўцы эвакуацыйных мерапрыемстваў.

https://www.youtube.com/watch?v=dsZKtBcHnrI