Не пакідайце дзяцей адных!

Папярэджанне траўматызму і гібелі дзяцей на пажарах з'яўляецца адным з кірункаў дзейнасці МНС. У гэтай галіне ратавальнікі прарабляюць вялікую працу як з дзецьмі дашкольнага ўзросту, так і са школьнікамі і студэнтамі: праводзяць акцыі, конкурсы, фестывалі і злёты, ствараюць гульні, кнігі і наглядна-выяўленчую прадукцыю, здымаюць відэаролікі і фільмы, а таксама запускаюць інфармацыйна-прапагандысцкія кампаніі.

Такі комплексны падыход прыносіць свой плён: калі ў 1986 годзе статыстыка фіксавала 101 выпадак трагічнага зыходу з удзелам дзяцей, то ў 2020 годзе ён быў усяго адзін. Але спыняцца на атрыманым выніку нельга нават тады, калі лічба стане роўная нулю.

Дзеці па сваёй прыродзе вельмі дапытлівыя. Кожны дзень для іх - новая гісторыя, якую яны перажываюць, максімальна паглыбляючыся ва ўсе працэсы, якія адбываюцца. Аднак яны не заўсёды разумеюць, што стаіць за тымі ці іншымі дзеяннямі, якія здзяйсняюцца для пазнання навакольнага свету. Нельга не звярнуць увагі і на дарослых, якія дазваляюць сабе пакідаць дзяцей без нагляду. Ім здаецца, што за некалькі хвілін не можа здарыцца нічога сур'ёзнага, але нават гэтага часу часцяком дастаткова для таго, каб гульні дзяцей сталi непапраўнай трагедыяй.

Каб нагадаць дарослым аб недапушчальнасці пакідання дзяцей адных, Цэнтр прапаганды МНС зняў новы фільм для бацькоў, дзядуляў, бабуль і ўсіх тых, каму неабыякавыя дзіцячыя жыцця. У ім на прыкладзе рэальных гісторый сем'яў можна на свае вочы ўбачыць, да якіх вынікаў можа прывесці бестурботнасць бацькоў і дзіцячае свавольства з агнём.