11 ліпеня 2018 года ў Мінску адбылося падпісанне Мемарандума аб супрацоўніцтве паміж Нацыянальным гістарычным музеем Рэспублікі Беларусь і Шэньянскім фінансавым музеем (правінцыя Ляонін, Кітайская Народная Рэспубліка). У цырымоніі ўдзельнічалі дырэктар Нацыянальнага гістарычнага музея П.М. Сапоцька, афіцыйны прадстаўнік Шэньянскага фінансавага музея г–н Лу Лэй і іншыя асобы.
Беларускі і кітайскі бакі дамовіліся аб узаемадзеянні ў сферах захавання музейных калекцый, арганізацыі выставаў, абмену інфармацыяй, музейнай педагогікі. Плануецца абмен спецыялістамі і сумеснае даследаванне найноўшых музейных тэхналогій. Супрацоўніцтва паміж двума музеямі ў поўнай меры адпавядае курсу на сяброўскія і ўзаемавыгадныя адносіны паміж народамі Беларусі і Кітая.
Шэньянскі фінансавы музей – адзін з самых буйных і папулярных у сталіцы правінцыі Ляанін. Ён валодае багатай калекцыяй па гісторыі фінансаў і грашовага звароту Кітая, а таксама іншых краін свету. Кіраўніцтвам Шэньянскага фінансавага музея ўжо прапанаваны выставачны праект, які плануецца у 2019 годзе прадставіць у Нацыянальным гістарычным музеі Рэспублікі Беларусь. У сваю чаргу, кітайскі бок выказаў зацікаўленасць у правядзенні выставы гісторыка–культурных каштоўнасцяў Беларусі.
У папярэднія цырымоніі дні афіцыйны прадстаўнік шэньянскага фінансавага музея г–н Лу Лэй азнаёміўся з пастаяннай экспазіцыяй Нацыянальнага гістарычнага музея Рэспублікі Беларусь і экспазіцыямі філіялаў. Замежны госць даў высокую адзнаку ўбачанаму і падкрэсліў, што адкрыў для сябе невядомыя яму раней бакі гісторыі і культуры Беларусі, якія могуць быць цікавыя шырокай кітайскай аўдыторыі.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея