15 жніўня ў 10.30 у Нацыянальным гістарычным музеі Рэспублікі Беларусь адбудзецца адкрыццё незвычайнай выставы «Мінск рэальны і віртуальны», на якой будуць прадстаўлены ўнікальныя здымкі нашага горада. Яе наведвальнікі змогуць убачыць архіўныя фотаздымкі сталіцы і параўнаць іх з фрагментамі віртуальнай карты, створанай распрацоўшчыкамі анлайн–гульні «World of Tanks». Выстава створана ў межах падрыхтоўкі да Дня горада і Дня танкіста, які ў гэтым годзе адзначаецца 9 верасня.
На здымках прадстаўлены цэнтральныя вуліцы Мінска – ад Беларускага дзяржаўнага цырка да вуліцы Казлова, захаваныя фатографамі больш за 50 гадоў таму. Побач з фотаздымкамі можна ўбачыць тыя ж самыя лакацыі, узноўленыя ў дробных дэталях распрацоўшчыкамі знакамітых «Танкаў» для карты «Мінск».
Камп'ютарныя тэхналогіі сёння адкрываюць шырокія магчымасці для аднаўлення тых ці іншых гістарычных эпох. З іх дапамогай можна ўбачыць, як выглядалі раней цэлыя гарады, разгледзець у дэталях вуліцы, дамы, помнікі. Мэта гэтай выставы – паказаць Мінск 1970–х гадоў як мага большай колькасці людзей, каб захаваць яго вобраз у памяці цяперашняга і будучых пакаленняў.
Па словах дырэктара па аперыраванню «World of Tanks» у СНД Юрыя Куравага, «Гульню «World of Tanks» часта называюць віртуальным музеем, у якім можна ўбачыць ваенную тэхніку сярэдзіны ХХ стагоддзя. Зараз у нашым «музеі» з'явіўся яшчэ і віртуальны Мінск, у якім адноўлены гарадскія ландшафты 50–гадовай даўніны. На гэтай выставе прадстаўлены найбольш цікавыя ракурсы нашага горада ў рэальных і віртуальных малюнках. Дадзеная выстава ўяўляецца добрым падарункам мінчанам і гасцям сталіцы да Дня горада».
Выстава будзе праходзіць у Нацыянальным гістарычным музеі Рэспублікі Беларусь да 24 жніўня, далей плануецца яе дэманстрацыя ў ТРЦ «Galleria Minsk». Фінальны дзень паказу экспазіцыі прыйдзецца на Дзень танкіста 9 верасня ў Парку Перамогі.
Адрас музея: вул. Карла Маркса, 12, Мінск, 220030
Тэлефон: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея