15 кастрычніка 2020 года ў Гомельскім палацава-паркавым ансамблі адбудзецца рэспубліканскі навуковы семінар «Вытокі беларускай археалогіі: (ня)страчаная спадчына».
Мерапрыемства прысвечана памяці выбітных фігур у беларускай археалогіі – Уладзіміру Антановічу (190 год з дня нараджэння), Глебу Бонч-Асмалоўскаму (130 год з дня нараджэння) і Аляксандру Кавалене (125 год з дня нараджэння).
Уладзімір Антановіч (1830 – 21.03.1908) – археолаг, гісторык, этнограф. Абараніў доктарскую дысертацыю па тэме «Нарыс гісторыі Вялікага княства Літоўскага да смерці вялікага князя Альгерда». Абследаваў тэрыторыю Сярэдняга Падняпроўя, праводзіў археалагічныя раскопкі пахавальных помнікаў радзімічаў.
Глеб Бонч-Асмалоўскі (03.11.1890 – 01.11.1943) – антраполаг і археолаг. Доктар гістарычных навук. Разам з К. М. Палікарповічам праводзіў археалагічныя раскопкі палеалітычных паселішчаў на Гомельшчыне і Смаленшчыне.
Аляксандр Каваленя (05.03.1895 – 27.08.1937) – археолаг. Удзельнічаў у даследаваннях старажытнага Мінска, Банцараўскага гарадзішча, курганоў у Заслаўі, Бердыжскай палеалітычнай стаянкі. Займаўся складаннем карты археалагічных помнікаў паўднёвай часткі Беларусі да Мінска. Вывучаў гісторыю насельніцтва басейнаў рэк Заходняя Дзвіна і Ловаць у жалезным веку. Палявыя працы і публікацыі з удзелам Аляксандра Кавалені паклалі пачатак вывучэнню мілаградскай, зарубінецкай і пражскай культур у Беларусі, а таксама вывучэнню старажытнага Турава.
Запрашаем прыняць удзел у абмеркаванні пытанняў па вывучэнні гісторыі старажытных помнікаў і разглядзе апошніх вынікаў археалагічных даследаванняў паўднёва-ўсходняй Беларусі і суседніх краін.
Гомельскі палацава-паркавы ансамбль
г. Гомель, пл. Леніна, 4
Семінар працуе 15.10.2020 з 9.00 да 19.00
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея