Натхняючыся прыкладам Інстытута археалогіі Расійскай акадэміі навук, Нацыянальны гістарычны музей Рэспублікі Беларусь запрашае Вас прыняць удзел у фотаакцыі.
Палажэнне аб зацвярджэнні і правядзенні Нацыянальным гістарычным музеем тэматычнай фотаакцыі ўтрымлівае наступныя артыкулы:
І. Нацыянальны гістарычны музей абвяшчае старт фотаакцыі «Археалагічнае лета».
ІІ. Мэтай фотаакцыі з’яўляецца папулярызацыя айчыннай археалагічнай навукі праз дэманстрацыю палявых археалагічных даследаванняў, жыцця і побыту археолагаў і аматараў археалагічных экспедыцый.
ІІІ. З мэтай правядзення конкурснага спаборніцтва паміж удзельнікамі фотаакцыі адборачнай камісіяй прымаюцца фотаздымкі, зробленыя удзельнікамі археалагічных экспедыцый (археолагамі і валанцёрамі), якія мелі месца на тэрыторыі Беларусі на працягу 2018–2020 гг.
Дазваляецца як індывідуальны, так і калектыўны ўдзел.
ІV. Удзел у фотаакцыі бясплатны.
V. Пагаджаючыся на ўдзел у фотаакцыі, аўтар фотаздымка(-аў) выяўляе сваю згоду на іх некамерцыйнае выкарыстанне і магчымае публічнае дэманстраванне падчас фотавыставы з абавязковым пазначэннем на фотаздымку(-ах) прозвішча, псеўданіма ці нікнэйма аўтара.
Таксама аўтар дае сваю згоду на размяшчэнне конкурснага(-ых) фотаздымка(-аў) у сацыяльных сетках Нацыянальнага гістарычнага музея.
VI. Жаданне аўтара прыняць удзел у конкурсным спаборніцтве можа быць адхілена адборачнай камісіяй у тым выпадку, калі дасланыя аўтарам фотаздымкі адметныя:
̶ нізкай тэхнічнай якасцю;
̶ сумніўнай мастацкай вартасцю;
̶ неадпаведнасцю тэматыцы фотаакцыі;
̶ элементамі, забароненымі дзеючым заканадаўствам Рэспублікі Беларусь (да прыкладу, заклікаючыя да гвалту, сацыяльнай, нацыянальнай, рэлігійнай ці расавай нецярпімасці і барацьбы).
VII. З мэтай удзелу ў конкурсным спаборніцтве адборачнай камісіяй прымаюцца фотаздымкі ў фармаце .jpg.
Абавязкова пазначэнне аўтарства з ўказаннем намінацыі і назвы фотаздымка(-аў).
VIII. Намінацыі фотаконкурсу:
̶ «Барадатая археалогія»;
̶ «Археалагічная амазонка»;
̶ «Палявы фуд-блог»;
̶ «Археаакрабатыка»;
̶ «Крыху пра знаходкі»;
̶ «Археапейзаж»;
̶ «Страшны сон археолага».
ІХ. Працы прымаюцца да 24 жніўня 2020 года ўключна ў электронным выглядзе – дасылаюцца на электронную скрыню Нацыянальнага гістарычнага музея Рэспублікі Беларусь: expo@histmuseum.by.
Х. Фотаздымкі, што прайдуць першапачатковы конкурсны адбор, будуць размешчаны ў сацыяльных сетках музея (facebook.com/nationalhistmuseum; instagram.com/histmuseum.by; vk.com/histmi).
ХІ. У перыяд з 12 па 14 жніўня работы будуць ацэньвацца конкурсным журы, прадстаўленым супрацоўнікамі музея і прафесійнымі фатографамі.
У гэты ж час у сацыяльных сетках музея распачнецца грамадскае галасаванне па кожнай з намінацый.
ХІІ. Вынікі фотаконкурсу будуць падведзены ў сацыяльных сетках Нацыянальнага гістарычнага музея ў Дзень археолага – 15 жніўня.
ХІІІ. Пераможцы па кожнай з намінацый атрымаюць ад Нацыянальнага гістарычнага музея памятныя прызы.
Чакаем вашых прац!
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея