11 сакавіка а 17-й гадзіне ў Нацыянальным гістарычным музеі Рэспублікі Беларусь адбудзецца ўрачыстае адкрыццё персанальнай выстаўкі акварэльных і графічных работ Аляксандра Іванавіча Лакоткі “Вобразы мілыя роднага краю…”.
Аляксандр Іванавіч Лакотка – архітэктар, акадэмік Нацыянальнай акадэміі навук Беларусі, доктар гістарычных навук, доктар архітэктуры, прафесар. У сваёй прафесійнай дзейнасці займаўся навуковай працай у галіне тэорыі і гісторыі, аховы і рэстаўрацыі помнікаў архітэктуры. Даследаваў агульныя і рэгіянальныя рысы беларускага народнага дойлідства. Стварыў навуковую канцэпцыю гістарычнага феномена беларускай архітэктуры як выніку сінтэзу будаўнічага мастацтва Усходу і Захаду Еўропы.
Вывучаючы гісторыка-культурную спадчыну, Аляксандр Іванавіч шмат гадоў падарожнічаў па Беларусі і выканаў не адну серыю акварэльных і графічных работ краявідаў рэгіёнаў, запаведных мясцін, прыгожых відарысаў. Любімыя тэмы мастака – прырода, палі і лугі, лясы і далягляды, тыповыя беларускія вёскі: Залессе і Зарэчча, Забалацце і Балотчыцы, Селішча, Нізок, хутары і мястэчкі (Дзятлава і Рубяжэвічы, Гервяты і Варняны, Солы і Свір), помнікі беларускага дойлідства.
Творы вылучаюцца светлым каларытам, маляўнічасцю фарбаў, паэтыкай і лірызмам, працягваюць традыцыі беларускага жывапісу, малюнка, графікі.
Сакавіты каларыт, каляровая паліфанія дазваляюць аўтару стварыць непаўторныя, мілыя вобразы роднай зямлі. Светлыя нябёсы, буйныя вятры, малады летні дождж ствараюць аўру гэтых карцін. Пагоркі і лагчыны, блакітныя вочы азёр, шум бярозавага гаю, вясковыя дарогі, стрэхі прашчураў, царкоўныя вежы – вось той апавядальны, эпічны змест гэтых твораў.
Разам з тым малюнкі дакументальна дакладныя: гэта летапіс роднай зямлі нашага часу, дар нашчадкам, пасыл у будучыню.
Выстаўка праводзіцца ў рамках мерапрыемстваў, прысвечаных Году народнага адзінства.
Выстаўка працуе па 4 красавіка 2021 года.
Адрас музея: вул. Карла Маркса, 12
тэл. (017) 374-35-32, 374-83-22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея