29 чэрвеня 2016 года ў Нацыянальным гістарычным музеі Рэспублікі Беларусь пачне працаваць выставачны праект "Ад рымскага дэнарыя да беларускага рубля". Праект здзяйсняецца пры падтрымцы генеральнага партнёра музея, кампаніі JapanTobaccoInternational (JTI).
У сярэдзіне 2016 года беларусы пабачаць новыя грошы – упершыню за найноўшы перыяд гісторыі Беларусь атрымае ўласныя манеты. Абапіраючыся на багатую нумізматычную калекцыю Нацыянальнага гістарычнага музея Рэспублікі Беларусь, выстава "Ад рымскага дэнарыя да беларускага рубля" спрабуе паказаць якім чынам змянялася грашовае абарачэнне ў Беларусі на працягу амаль дзвюх тысяч год.
Назва выставы абрана не выпадкова, паколькі экспазіцыя знаёміць шырокае кола наведвальнікаў музея з гісторыяй грашовага абарачэння на тэрыторыі Беларусі ад першага масавага з’яўлення рымскіх манет і да сучаснасці. Асаблівая ўвага надаецца грашовым рэформам, якія адбываліся на беларускіх землях у розныя часы.
Грашовыя знакі любых відаў – гэта паўнавартасная гістарычная крыніца, насычаная багатай інфармацыяй. Гісторыя грашовага абарачэння адлюстроўвае гісторыю краіны, змену дзяржаўных утварэнняў і палітычнага ладу на беларускіх землях.
Асобны раздзел выставачнага праекта распавядае пра манетныя скарбы, знойдзеныя на тэрыторыі нашай краіны. Нацыянальны гістарычны музей валодае найбагацейшай калекцыяй скарбаў сярод музеяў Беларусі.
Дзве мастацкія інсталяцыі ўвасабляюць розныя сітуацыі, звязаныя з грашыма. "Знаходка скарбу" распавядае пра момант раскрыцця каштоўнага захавання, а "Кабінет нумізмата" рэканструюе працоўнае месца калекцыянера ХІХ стагоддзя.
Інтэрактыўны элемент дадзенага праекта – дэтэктар банкнот, на якім кожны жадаючы можа спраўдзіць аўтэнтычнасць сваіх папяровых грашовых знакаў.
На цырымоніі адкрыцця Нацыянальны банк Рэспублікі Беларусь прэзентуе новыя грошы краіны.
"Адкрыццё выставы пра гісторыю грошай у Беларусі з’яўляецца сімвалічнай падзеяй, асабліва напярэдадні ўвядзення новых грашовых знакаў, – падкрэсліў Генадзь Бруснікаў, намеснік дырэктара ЗТАА "Джапан Табака Інтэрнэшнл ЭсЭндДзі". – Гэта важны чарговы супольны крок Нацыянальнага гістарычнага музея і кампаніі JTI па захаванні і папулярызацыі гісторыка–культурнай спадчыны нашай краіны. Упэўнены, што прадстаўленая экспазіцыя паспрыяе пашырэнню ведаў пра станаўленне грашовай сістэмы ў нашай краіне".
Выставачны праект будзе цікавы розным узроставым катэгорыям наведвальнікаў.
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12,
тэл. 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея