З 17 лістапада бягучага года Нацыянальны гістарычны музей Рэспублікі Беларусь праводзіць выставу карцін са шкла «Каханне – гэта палёт». Выстава студыі вырабаў са шкла «Аліса ў Залюстаркоўі» прысвечана творчасці Марка Захаравіча Шагала. Галоўная задача выставы – даць дзецям з парушэннем зроку пазнаёміцца з мастацтвам сусветна вядомага мастака пры дапамозе тактыльных адчуванняў.
Паказ будзе праходзіць пры інфармацыйнай падтрымцы Міжнароднага інфармацыйнага агенцтва «Расія сёння». Напярэдадні адкрыцця выставы, 15 лістапада пройдзе прэс–канферэнцыя ў мультымедыйным прэс–цэнтры «Sputnik Беларусь» на тэму: "Ф'юзінг – тэхніка, якая адкрывае новыя магчымасці людзям са слабым зрокам у спасціжэнні і ўспрыманні свету мастацтва пры дапамозе тактыльных адчуванняў". Да ўдзелу ў ёй запрошаныя дырэктар Нацыянальнага гістарычнага музея Рэспублікі Беларусь Алег Гар'евіч Рыжкоў, кіраўнік студыі вырабаў са шкла «Аліса ў Залюстаркоўі» Дыяна Шварахаўна Скачко, дырэктар спецыяльнай агульнаадукацыйнай школы № 188 г. Мінска для дзяцей з парушэннем зроку Аляксей Мікалаевіч Пятніца.
У рамках адкрыцця выставы, якое адбудзецца 17 лістапада бягучага года а 15-й гадзіне па адрасе: г.Мінск, вул. К.Маркса 12 запланаваны шэраг мерапрыемстваў, у тым ліку: прэзентацыя карцін са шкла ў тэхніцы ф'юзінг, расказ пра жыццё і творчасць Марка Шагала, выступленне ансамбля скрыпачоў гімназіі–каледжа мастацтваў імя І.В. Ахрэмчыка, выступ клоўна Гаўрыка з дрэсіраванымі сабачкамі з Гомельскага дзяржаўнага цырка, калектыўная праца з дзецьмі над стварэннем карціны са шкла «Над горадам» і яе наступная перадача школе №188, сувеніры ў выглядзе шарыкаў у падарунак усім удзельнікам прэзентацыі ад кампаніі: ТАА «Дом цудаў», салодкі стол і іншае.
Шэраг устаноў выказалі гатоўнасць выступіць у дадзеным праекце ў якасці спонсара, набыць карціны са шкла з выставы «Каханне – гэта палёт» і перадаць іх спецыяльнай агульнаадукацыйнай школе №188 для дзяцей з парушэннем зроку пасля завяршэння выставы.
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12,
тэл. 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея