Касцёл у Відзах, Петрапаўлаўскі касцёл у Дрысвятах, Марыянскі манастыр у Друі – усе гэтыя помнікі архітэктуры аб’ядноўвае імя беларускага архітэктара Лявона Вітан–Дубейкаўскага.
Нарадзіўся будучы архітэктар 7 ліпеня 1869 года ў вёсцы Дубейкава Мсціслаўскага павета. Пасля заканчэння школы будаўнічых рамёстваў у Варшаве Вітан–Дубейкаўскі праектаваў культавыя збудаванні на Смаленшчыне – цэрквы ў Ярцаве і Манастыршчане, Скарбніцу ў Вязьме. Важным этапам у яго жыцці стала вучоба ў парыжскай Акадэміі архітэктуры, пасля завяршэння якой у 1909 годзе Лявон Вітан–Дубейкаўскі атрымаў дыплом архітэктара–мастака. Менавіта тады сфарміраваліся эстэтычныя прыярытэты архітэктара – нэаготыка і мадэрн.
Далейшая біяграфія Лявона Вітан–Дубейкаўскага багата на падзеі: у 1913 – 1915 гадах ён выкладае будаўніцтва ў тэхнічна–прамысловай школе ў Варшаве, падчас Першай сусветнай вайны працуе ў Арле і на Полаччыне, у 1919 годзе чытае папулярныя лекцыі па архітэктуры на беларускіх настаўніцкіх курсах у Гародні і Вільні.
Рарытэтны музейны прадмет – выдадзены Лявону Вітан–Дубейкаўскаму дыплом пад нумарам 18 Акадэміі архітэктуры ў Парыжы захоўваецца ў зборы Нацыянальнага гістарычнага музея Рэспублікі Беларусь і выступае ў якасці ўнікальнага дакумента па гісторыі архітэктуры Беларусі.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея